Spika wa Bunge, Job Ndugai Dar es Salaam.
Spika wa Bunge, Job Ndugai ameagiza mikutano yote ya Kamati za Bunge itakayoanza Agosti 22 mpaka Septemba 4 mwaka huu ifanyikie mjini Dodoma.
Taarifa iliyotolewa na Bunge leo Spika Ndugai ameeleza kuwa Bunge ni muhimili ambao tayari ulishatekeleza kwa vitendo kuhamia Dodoma.
Wanamgambo wa al-Shabab wamekuwa wakishambulia Kenya mara kwa mara Washukiwa wa kundi la Al-Shabaab mapema leo Alhamisi wameshambulia na kulipua mtambo wa mawasiliano ulioko katika mji wa Fino, Lafey katika kaunti ndogo ya Mandera nchini Kenya.
Afisa mkuu wa Polisi huko Lafey, Bosita Omukolongolo, amesema kuwa kisa hicho kilitokea saa nane usiku.
Afisa huyo wa Polisi anasema kuwa walikabiliana vikali na wanamgambo hao, lakini hakuna maafa yaliyoripotiwa upande wa polisi waliokuwa wakiulinda mlingoti huo wenye vifaa vya kupeperusha mawasiliano.
Kundi la Al- Shaabab, ambalo lina makao yake nchini Somalia, limehusika na mashambulizi ya mara kwa mara pamoja na mauaji nchini Kenya na mataifa kadhaa ya Afrika Mashariki na upembe wa Afrika.
Dar es Salaam. Mamlaka ya Udhibiti wa Usafiri wa Majini na Nchi Kavu (Sumatra), imesema wakati wowote kuanzia sasa itaufikisha mahakamani uongozi wa Mabasi ya Kwenda Haraka (Udart) kwa tuhuma za kuwatoza abiria nauli zaidi kinyume na matangazo yao.
Mkurugenzi Mkuu wa Sumatra, Gilliard Ngewe alisema jana jijini Dar es Salaam kuwa, mashtaka dhidi ya uongozi huo yameshaandaliwa na kilichobaki ni kuyafikisha mahakamani.
Ngewe alisema Udart inatoza nauli ya Sh650 badala ya 400 kwa ruti ya kutoka Mbezi hadi Kimara na kuwatoza Sh650 nyingine kutoka Kimara hadi Posta.
Akizungumzia hilo, Mkurugenzi Mtendaji wa Udart, David Mgwassa alisema kama wana ushahidi waendelee na hatua yao ya mahakamani.
MOMBASA inafahamika kwa mambo mengi, ikiwemo madawa, ukahaba na mengineyo kibao lakini hili linalofanyika eneo la Mtwapa limetia fora. Ukahaba si jambo tena la kujificha bali ni jambo ambalo watu wanalipia kulishuhudia live.
Kumekuwepo vitendo ambapo wanaume na wanawake hulipia kwa ajili ya kuwaangalia vijana wadogo wanaofanya ngono na wanyama. Vijana hao wadogo wa kiume na kike hupatiwa mafunzo kwa ajili ya shughuli hiyo kutokana na hali ngumu ya maisha inayosababishwa na umasikini.
Mmoja wa mashuhuda wa vitendo hivyo vya udhalilishaji anasema vijana hao kabla ya kufanyishwa ngono na wanyama, hutumia madawa ya kulevya na baada ya kulewa hupewa dakika zisizozidi 20 kufanya ngono na wanyama na kupatiwa malipo kiduchu. Jambo linalosikitisha na baya zaidi ni kwamba vijana hawa wa kike na kiume umri wao ni kati ya miaka 8 hadi 17.
Kila ninapofikiria jinsi wanaume na wanawake wanavyolipia kwa ajili ya kuangalia hii laana huwa nashindwa kuelewa utu wao.
Je, ingengukwaje kama vijana hawa wangekuwa watoto wao? Nashindwa kuelewa kabisa hii ni aina gani ya biashara inayodhalilisha watoto – alisema shuhuda huyo.
Wanyama wanaotumika sana katika vitendo hivyo ni mbwa ila sababu ya kwa nini wanawatumia wanyama hao haikufahamika. Chanzo: standardmedia.co.ke
Maafisa wa serikali ya Sudan Kusini wameiambia BBC kwamba wanamtambua waziri wa madini Taban Deng Gai kuwa makamu wa kwanza wa rais akichukua mahala pake Riek Machar ambaye alitoroka mji mkuu wa Juba baada ya mapigano makali mapema mwezi huu.
Hatahivyo msemaji wa Machar amesema kuwa wameukataa uteuzi wa Bwana Deng. Bwana Deng alikuwa mpatanishi mkuu wa Machar na hatua yake ya kuchukua wadhfa huo unaonyesha kuwa wametofautiana,
hivyobasi kuweka mgawanyiko katika upinzani ambao unazidi kutatiza juhudi za kupata amani nchini Sudan Kusini ,kulingana na wachanganuzi.
Takriban watu 300 walifariki katika mapigano mapema mwezi huu katika mji mkuu wa Juba,kati ya vikosi vilivyo vitiifu kwa Machar na mpinzani wake rais Salva Kiiir.
Good morning Loves, so kwa wale watu wa fitness na wanaopenda to keep their bodies healthy nadhani mtakuwa mnajua green juice ni nini na jinsi ya kuitengeneza and all that.
Since I spend most of my time reading and writing nimekutana na sehemu mtu anauliza hii green juice inasaidia nini haswa, yaani faida zake ni nini, kwanini unywe green juice? Kwanini unywe Green Juice?
1.Inasafisha ngozi yako. Baada ya kama wiki mbili za kunywa green juice utaanza kuona mabadiliko, ngozi yako itaanza kuwa laini na hata madoa na makovu uliyokuwa nayo yataanza kupotea. If you make a habit ya kuinywa kila siku basi ngozi yako ndio itatakata kabisa.
2.Inakupa nguvu. Kwa wale ambao tayari mnakunywa green juice mtakuwa mnajua kuwa unatakiwa kuinywa on ana empty stomach.. kunywa ukiwa huna kitu tumboni, kaa kama nusu saa ndio unaweza kunywa au kula kitu kingine.
Green juice ina nutrients nyingi na hivyo ni bora kama ukiinywa asubuhi kabla hujala kitu kingine chochote.
3.Inasaidia digestion/inakupa choo Green juice inasaidia kusaga chakula tumboni, hivyo hata kama ulikuwa hupati choo just kunywa green juice for a whole day na you will feel as light as a feather siku inayofuata.
Kwa wale wanaokunywa green juice hawapati gesi tumboni ovyo wala kuvimbiwa.
4.Inapunguza uzito. We all know kwamba ukitaka kupungua sio mazoezi tu ndo yatakayo kusaidia, bali ni vitu unavyokula pia..Na green juice ni kitu kimoja important sana ambacho ni lazima kuweka katika diet yako ili uweze kupungua vizuri bila matatizo.
5.Inasafisha viungo vya ndani ya mwili. Kama vile figo, mapafu, moyo nk. Kama wataka kufanya full body cleanse basi tumia Green juice.
Taifa la Sudan Kusini limewaua wanajeshi wake 2 kwa kuwapiga risasi baada ya kupatikana na hatia ya kuwauwa wanandoa wawili ikiwa ni kisa cha kwanza cha mauaji kulingana na vyombo vya habari.
Wanajeshi hao walipigwa risasi mbele ya gwaride la kijeshi katika mji wa Wau Kaskazini Magharibi,huku wakaazi na familia za wanajeshi hao zikikongamana katika eneo hilo kuona mauaji hayo.
Mahakama ya kijeshi iliwapata na hatia wanajeshi Meja Atian Deng na Matem Ariic Mayom,kufuatia kukamatwa kwao mnamo mwezi Julai tarehe 17 katika eneo moja la wakaazi la Wau.
Timu ya taifa ya Tanzania katika mchezo wa riadha itayokwenda kuiwakilisha nchini hiyo katika michuano ijayo ya Olimipiki imepata udhamini wa vifaa vya michezo pamoja na fedha za kiasi cha shilingi milioni tano.
Udhamini huo umetolewa na shirika la hifadhi za taifa (Tanapa)kupitia kwa mkurugenzi mkuu wa shirika hilo na kukabidhiwa kwa wachezaji hao.
Ufadhili huu unalengo kuisadia timu ya taifa na kuwezesha kufanya vizuri katika michuano ya Olimpiki na pia kusaidia kutangaza vivutio vya utalii vilivyoko Tanzania.
Baada ya kupata ufadhili huo .Rais wa shirikisho la riadha nchini Antony Mtaka amesema fedha hizo zitatumika kulipia kadi za bima ya afya ya wachezaji hao na familia zao kwa muda wa mwaka mmoja.
Akizungumza kwa niaba ya wachezaji hao, Alfonce Felix amesema ufadhili huo utawaongezea chachu ya ushindi na kuitangaza nchi.
Timu hiyo ya riadha yenye wachezaji wanne inaendelea na maandalizi ya mwisho chini ya kocha wake Francis John katika kambi yake ya West Kilimanjaro mkoani Kilimanjaro.
MADRID, HISPANIA. PAUL Pogba wakati wowote wiki hii huenda akatua Man United kwa pesa ya maana, lakini imefichuka kuwa Rais wa Real Madrid, Florentino Perez alimkataa mara mbili katika klabu yake.
Baada ya kuona hali kuwa hivyo licha ya kocha wa Real, Zinedine Zidane kukiri anamkubali kiungo huyo, Pogba sasa mawazo yake ni kurejea Old Trafford.
Ripoti zimefichua kwamba Pogba mara mbili tofauti alipelekewa ofa Real Madrid, lakini Perez alimkataa. Kwanza ilikuwa mwaka 2012 mkataba wake ulipofika mwisho Man United lakini Perez alijipa imani kwamba kwa kuwa United walimuachia kirahisi basi hawezi kuwa bora.
Mara ya pili ilikuwa mwaka 2014, meneja mkuu wa Real, Jose Angel Sanchez alizungumza na Juventus na kukubaliana ada ya Euro 60 milioni lakini Perez tena akamkataa.
LONDON, ENGLAND. KIUNGO Cesc Fabregas amekiri kwamba hakuna kipindi alichofurahia sana kucheza soka katika maisha yake kama wakati akiwa chini ya kocha Jose Mourinho.
Kiungo huyo wa Chelsea alisema kufanya kazi chini ya kocha huyo mpya wa Manchester United, Mourinho ni raha sana. Mourinho, ndiye aliyemrudisha Fabregas kwenye Ligi Kuu England akitokea Barcelona na kutua Chelsea,
lakini Desemba mwaka jana kocha huyo alipoteza kibarua chake Chelsea na sasa amejiunga na Man United. Fabregas alisema:
"Kufanya kazi na Mourinho ilikuwa poa sana.
Nokia imeripotiwa kuwa kwenye mipango ya kurejea kwenye soko la smartphone na simu mpya zinazotumia mfumo mpya wa Google, Android Nougat, version 7.0.
Simu hizo zinatarajiwa kuingia sokoni mwishoni mwa mwezi huu na zinatarajiwa kuzuia majina vumbi kama simu mpya za Samsung, Galaxy S7, S7 Edge na S7 Active.
Zitakuwa na screen yenye ukubwa inchi 5.2.
Lilikuwa ni tukio la kusikitisha pale mshambuliaji nyota wa zamani wa Newcastle na Chelsea Demba Ba alipovunjia mguu akiwa uwanjani kutekeleza majukumu yake.
Jina la Ba limekuwa kwenye vyombo vya habari baada ya kuvunjika mkuu wake wakati wa mchezo wa Shanghai derby. Akicheza dhidi ya Shanghai SIPG, striker huyo wa Shanghai Shenhua alishuhudia mwish wake wa msimu pale mguu wake wa kulia ulipopinda mithili ya plastic laini.
Siku ya Jumanne, Sun Xiang alimtembelea Demba Ba hospitali ambapo pia Ba alizungumza na vyombo vya habari kwa mara ya kwanza tangu alipoumia.
Demba Ba: Nimefurahi timu imeshinda Akizungumza na kituo cha television cha Chinese TV, Demba Ba alisema: “Ilikuwa ni siku ngumu (Jumapili) kwa upande wangu na timu nzima, lakini ninafurahi tulishinda.” “Napenda kuwashukuru mashabiki wote ambao wanakuja kunijulia hali hospitalini.”
Imeripotiwa pia na vymbo vya habari vya China kwamba, Demba Ba amemsamehe Sun Xiang kwa kusema: “Msimlaumu, mimi nae
Demba Ba ndiye mfungaji bora ligini kwa sasa Mshambuliaji wa zamani wa klabu ya Chelsea ya Uingereza Demba Ba amesema hataacha kucheza soka hata baada ya kuvunjika mguu akicheza.
Ba, ambaye kwa sasa huchezea Shanghai Shenhua, alivunjika mguu baada ya kukabwa akicheza mechi ya Ligi Kuu ya Uchina. Baada ya mechi hiyo, mkufunzi wa mshambuliaji huyo wa Senegal Gregorio Manzano alisema jeraha hilo “huenda likafikisha kikomo uchezaji wake”.
"Hili ni jeraha mbaya sana lakini ninaweza kujikwamua. Sitafikisha kikomo uchezaji wangu hapa, hilo nina uhakika nalo,” amesema Ba, mwenye umri wa miaka 31. “Msimu hapa unamalizika Novemba na kuanza Machi. Nitajizatiti kurejea kwa wakati kwa msimu utakaofuata.” Demba Ba avunjika mguu uwanjani Demba Ba alichezea West Ham, Newcastle na Chelsea katika Ligi ya Premia.
Demba Ba akichezea klabu ya Chelsea Alijiunga na Shenhua kutoka klabu ya Besiktas ya Uturuki, akinunuliwa takriban pauni 12 milioni mwezi Julai mwaka jana. Kwa sasa, ndiye mfungaji mabao bora Ligi Kuu ya Uchina akiwa na magoli 14 kutoka mechi 18.
Jeshi la polisi mkoani Kagera limefanikiwa kumtia mbaroni Sendon Andrew mkazi wa kijiji cha Byamtemba kilichopo katika kata ya Nsunga iliyoko wilayani Misenyi
mkoani Kagera aliyekimbilia nchi jirani ya Uganda kwa tuhuma ya kumuua kikatili mke wake Rosemery Desdery kwa kumpigwa fimbo na mateke katika seheme mbalimbali za mwili wake.
Akizungumza na waandishi wa habari kaimu kamanda wa jeshi la polisi mkoani Kagera mrakibu mwandamizi wa jeshi hilo Abel Mtagwa ambaye pia ni mkuu wa upelelezi wa makosa ya jinai wa mkoa huo,amesema mtuhumiwa huyo baada ya kufanya
mauaji hayo kwenye eneo la Sebure ya nyumba yao alimburuza marehemu hadi kwenye chumba chao cha kulala na kumfunika na blanketi na wakati akitoroka aliwambia watoto wao kuwa amemuacha mama yao amelala na anaondoka atarudi kesho yake.
Kaimu kamanda huyo akitoa wito kwa wananchi amesema jeshi hilo halitawavumilia mtu yoyote atakayejihusisha na vitendo vya mauaji kwa kuwa vitendo hivyo ni kinyume na taratibu na sheria za nchi.
Msanii wa filamu, Elizabeth Michael aka Lulu amekanusha tetesi za kwamba ana bifu na aliyekuwa mpenzi wa zamani wa Dj Majay, Hamisa Mobeto.
Muigizaji huyo ambaye kwa saa anadaiwa kutoka kimapenzi na Majay, aliingia kwenye malumbano na baadhi ya mashabiki wa Mobeto katika mitandao ya kijamii wakimtuhudi kuiba bwana. Akiongea katika kipindi cha Weekend Chart Show cha Clouds TV Ijumaa iliyopita, Lulu amesema hata tatizo na Mobeto ambaye ni mama wa mtoto mmoja aliyezaa na Majay.
“Sipendi sana kuongelea issue ambayo nitakuwa kama nachochea, mimi ni mtu fulani very peace, very very peace, sina tatizo naye,” alisema Lulu.
Akiongelea kama ni kweli kuna watu walikuwa wanatumwa na Mobeto ili wamtukane alisema “Siwezi kujua kwa sababu sijafuatwa direct, lakini sina tatizo naye, mtu akinipa kijembe namchukulia kama mtu kanipa kijembe” Hata hivyo, Lulu na CEO wa EFM, Dj Majay kwa sasa wapo karibu zaidi, kwani wawili hao wamekuwa wakipost picha zao katika mitandao ya kijamii wakiwa pamoja.
Dodoma.
BWasichana wanaofanya shughuli ya kuuza miili, maarufu kama dada poa wameongezeka katika viunga vya mji wa Dodoma tayari kuvizia wageni watakaohudhuria Mkutano Mkuu Maalumu wa CCM.
Wasichana hao, ambao Mwananchi imebaini wanatoka katika miji mikubwa kama Dar es Salaam, Arusha, Iringa na Mbeya, wameonekana kwenye maeneo mbalimbali ya starehe wakisaka wanaume nyakati za usiku.
Madada poa ambao kwa kawaida hufurika mjini hapa wakati wa vikao vya Bunge la Jamhuri ya Muungano, wamekuwa wakiwatoza wateja hadi Sh30,000 kwa ambaye anataka kulala naye hadi asubuhi.
“Kama unataka madada poa nenda kwenye baa maarufu za mjini hapa nyakati za usiku. Mwanangu mbona mfuko wako tu.
Ukitaka wa kulala naye hadi asubuhi, ukitaka wa saa kazi kwako,” alisema mmoja wa wanaume katika moja ya baa maarufu mjini hapa.
Donald Trump hatimaye ateuliwa sasa kuwa mgombea rasmi wa urais kwa tiketi ya chama cha Republican, uchaguzi unaotarajiwa kufanyika mwezi November mwaka huu.
Trump amepata uungwaji mkono na wajumbe kutoka majimbo na wilaya za Marekani katika kura mchujo wa kumpata mgombea wa nafasi hiyo kupitia chama chake cha Republican kupitia mkutano mkuu wa chama chake mjini Cleveland.
Baada ya kuchaguliwa kuwa mgombea urais Donald Trump alitoa shukran zake kupitia mtandao wa twitter,na imetanabahishwa kwamba gavana wa jimbo la Indiana Mike Pence,
ndiye mgombea mwenza .Taarifa zaidi zinasema watoto wawili wa Donald Trump wa kiume Donald na pia bintiye Tiffany wanatarajiwa kuhutubia mkutano mkuu wa wanachama wa chama hicho. Source: BBC
Mpanda. Mlinzi wa Kampuni ya Ulinzi ya Imara , Samwel Alcado (39) amekutwa akiwa amejinyonga ndani ya chumba chake kutokana na kile kinachodaiwa ni kugundulika kuwa ana virusi vya Ukimwi (VVU).
Mlinzi huyo ambaye ni mkazi wa mtaa wa Mji wa Zamani Manispaa ya Mpanda amejinyonga kwa kutumia shati lake. Mwenyekiti wa mtaa huo, Margret John amesema tukio hilo limetokea leo majira saa kumi na moja alfajiri ndani ya chumba alichokuwa akiishi Alcado.
Kamanda wa Polisi Mkoa wa Katavi, Damas Nyanda amethibitisha kutokea kwa kifo hicho akisema uchunguzi zaidi unaendelea kufanyika ili kubaini ukweli halisi wa tukio hilo.
Msanii wa filamu za kuchekesha Bongo, King Majuto amesema kuwa filamu yake mpya ijayo ni zaidi ya filamu zake zilizopita.
Akiongea na Times FM, “Hii ina ujumbe wa kuelimisha jamii kuachana na mambo Ambayo hayana manufaa kwa maisha ya sasa na nimewashirikisha wasanii mbalimbali maarufu.”
Aidha Majuto amefafanua kuwa sababu ya kuchelewa kuiachia filamu hiyo kama alivyopanga ni kutokana na kuupisha mwezi mtukufu wa Ramadhan.
Aziza Suleiman Ally Jeshi la Polisi Viwanja vya Ndege Tanzania wakishirikiana na maafisa usalama wa Uwanja wa Ndege wa Kimataifa wa Julius Nyerere (JNIA), wamemtia mbaroni mama mmoja aliyetambulika kwa jina la Aziza Suleiman Ally (pichani), mkazi wa Mombasa Kwamchina, Zanzibar akiwa na mirungi.
Imeelezwa kuwa Aziza alinaswa uwanjani hapo Julai 13, mwa huu saa nane mchana akiwa ameficha mirungi hiyo sehemu mbalimbali ya mwili wake kama vile kwapani, kwenye matiti na sehemu za siri. Mirungi Akithibitisha kutokea kwa tukio hilo, Kamanda wa Viwanja vya Ndege Tanzania, ACP Maltin Otieno alisema ni kweli tukio hilo lilitokea.
Kamanda Otieno alisema kuwa Aziza alinaswa uwanjani hapo akiwa anajiandaa kupanda ndege ya Shirika la Ndege la Msumbiji kwenda nchini humo akiwa ameficha mirungi mibichi pakiti nne sehemu mbalimbali za mwili wake.
Kamanda wa Viwanja vya Ndege Tanzania, ACP Maltin Otieno “Ni kweli sisi jeshi la polisi kwa kushirikiana na Usalama wa Taifa wa uwanjani hapa, tumemkamata Aziza Suleiman Ally (34) mkazi wa Mombasa Kwamchina Zanzibar raia wa hapa Tanzania akiwa na mirungi pakiti nne za uzito wa kilo nne akiwa amezificha sehemu mbalimbali za mwili,” alisema kamanda huyo.
Hata hivyo, alisema kuwa thamani ya mirungi hiyo bado haijajulikana na kutoa honyo kali kwa wale ambao wanajidanganya kutaka kupitisha madawa ya kulevya uwanjani hapo kwani ni lazima watakamatwa.
Shule 70 za upili zateketezwa Kenya Shule 70 za upili zimeteketezwa moto na wanafunzi wenye hasira nchini Kenya. Waziri wa elimu nchini humo Fred Matiangi ameiambia kamati ya bunge iliyoundwa kupeleleza wimbi la shule kuteketezwa kuwa hakujakuwa na hata wanafunzi 20 waliohukumiwa kwa kuteketeza mali ya umma kwa sababi moja au nyingine kati ya visa 317 zilizoripotiwa kati ya mwaka wa 2007 -2016.
Shule 317 ziliteketezwa kati ya mwaka wa 2007 -2016. ''Endapo serikali itachukua hatua dhidi ya wale watakaoteketeza mabweni yao au hata madarasa bila shaka wale wanaoiga wataogopa'' alisema bwana Matiangi.
''Mara nyingi tumegundua kuwa zile shule ambazo zinachunguzwa kwa sababu ya wizi wa pesa za kufadhili masomo ya bure na fedha za kununua vitabu vya wanafunzi zinateketezwa kwa sababu finyu sana''.
Walimu 15 wakuu wanachunguzwa kulingana na taasisi inayosimamia walimu nchini Kenya TSC. Walimu 15 wakuu wanachunguzwa kulingana na taasisi inayosimamia walimu nchini Kenya TSC. Wandani wa maswala ya elimu nchini Kenya akiwemo katibu mkuu wa muungano wa walimu KNUT bwana Wilson Sosion amelaumu mabadiliko ya sera yaliyotolewa na wizara ya elimu kama vile kuongeza muda wa muhula wa pili, na kupiga marufuku likizo ya kati ya muhula ujao mbali na kupiga marufuku wazazi kuwatembelea wanafunzi shuleni kama sababu zinazochochea wimbi hili la moto shuleni.
Katibu mkuu wa muungano wa walimu KNUT bwana Wilson Sosion amelaumu mabadiliko ya sera yaliyotolewa na wizara ya elimu kwa machafuko haya yanayoshuhudiwa Hata hivyo waziri Matiang'i akijitetea aliiambia kamati hiyo ya bunge kuwa kabla ya mabadiliko hayo kutangazwa shule 90 zilikuwa zimeteketezwa tayari.
Mkuu wa Mkoa wa Kigoma Brigedia Jenerali Mstaafu Emanuel Maganga. Mkuu wa Mkoa wa Kigoma Brigedia Jenerali Mstaafu Emanuel Maganga, amewasimaisha kazi watumishi sita wa Halmashauri wa halmashauri ya wilaya ya Kigoma na Manispaa ya Kigoma Ujiji kwa kutoa taarifa za uongo kwa kiongozi wa mbio za mwenge.
Watumishi hao ambao wengine ni wakuu wa idara wamesimamishwa kazi baada ya kubainika kutoa taarifa za uongo kuhusu miradi iliyozinduliwa na kufunguliwa na mbio za Mwenge mkoani humo.
Wakati wa Mbio za Mwenge Mkoani humo Kiongozi wa Mbio za Mwenge George Mbijima, alibaini kuwa mradi wa vijana wa Membe kati kuwa ni mradi hewa huku halmashauri ya Manispaa ya Kigoma Ujiji ikitoa hundi hewa kwa saccos ya vijana ya mjini Kigoma.
Kufuatia matukio hayo ya Uzembe na Udanganyifu ndipo Mkuu wa Mkoa wa Kigoma Emanuel Maganga alipochukua hatua ya kuwasimamisha viongozi hao ambao walisika na udanganyifu huo.
Katika mahusiano kabla hujaingia ni lazima umshirikishe rafiki au ndugu yako wa karibu lakini potelea yote moyo wako lazima ulizie kuaza mahusiano na huyo mtu ambaye unatarajia kuwa naye tukumbuke kuwa mahusiano ni ya wawili na pia hayaangalii kabila,umri.
umbile au,kipato japo wengi husema lazima uangalie vitu kama hivyo ili kujiridhisha na nafsi yako lakini pia kati ya watu utakapokuwa una tembea naye wakushangae kuwa una tembea|kuhusiana kimahusiano na mwanamke au mwanaume mnzuri.
Mungu ndiye mgawaridhiki,unzuri na makabila pia kwani kuna msemo unaosema mfungwa hachagui gereza laity kama mfungwa angekuwa anachagua wapi akafungwe basi wa Tanzania wangeomba kufungwa china au nchi yeyote nzuri nje ya nchi hii, ndivyo ilivyo kwenye mapenzi kuna makabila,
maumbile au kipato cha mtu kinafanya kuwa ajute sana kwanini alikuwa hivyo ni kwa sababu tu ya maneno ya watu juu ya kabila au vitu vingine ambavyo vinamfanya ashindwa kufurahia mahusiano..
Watu wanaochangia mahusiano ya watu kuharibika au kutodumu bila kugombana. Marafiki Hao ni watu ambao huwa wa kwanza kuharibu mahusiano ya watu wako radhi kufanya chochote ili tu kuona hamko sawa katika mahusiano na lengo laweza kutaka kuona wapenzi hao wanaachana ni swali gumu kwa wengi je,kweli rafiki yamgu kipenzi anaweza nifanyia hivi kunigombanisha na mpenzi wangu? Ukweli ni kwamba rafiki yako anaweza kukugombanisha vizuri tu na mwandani wako kama hauko makini tunabidi kutoamini sana marafiki katika mahusiano yamkini anaweza kuwa kigeugeu kati yenu ili kuwaharibu kabisa wawili nyiye matukio mengi ya kuachana marafiki huwa wakuchochea sana ili watu waachane na pia mpe mpenzi wako nafasi katika jambo Fulani ulilolisikia juu ya mpenzi wako.
Ndugu Hakuna maisha ambayo mtu utakosa ndugu yaweza kuwa ndugu kutoka kwa upande wa bibi mdogo babu mdogo nk, hao wote ni ndugu zetu nakuamini kuwa ndugu sio ule uliyezaliwa naye tu hawa huwa ni vichochezi nakutoa kassoro nyingi kwa mtu ambaye analetwa kutambulishwa nyumbani kwanza huaza na miguno( mmh) ndo wifi|shemeji mmh jamani aya hongera lakini mmh yani hutafuta sababu tu wa kuanzisha majabizano na ukikosea kuwapa nafasi kuuliza kuna nini utaaza kusikia kasoro watakazo
zitoa na wakimalizia ‘kweli mapenzi ni upofu mmh ‘ kitu ambacho wengi huaza kufikiria sana na kukosea kuwapa nafasi ndugu zao kuwafanyia maamuzi katika mahusiano na kuishia kumuumiza mtu kwa faida tu ya ndugu.
Wazazi Tunajua fika bila wazazi yamkini tusingelijua jua,mwenzi,au nyota na mbalamwenzi lakini wazazi wengi wameumiza mioyo ya watoto wao na hata wale waliowezwa kuachwa sababu ukiuliza atakuambia ‘isingelikuwa mama \baba Yake hakika angenioa’ lakini pia jibu utasikia kwa mtenda ‘kiukweli sikumpenda niliona si chaguo la mwanangu na licha ya hivyo kuna kasoro nimeona kwahiyo nisingependa awe mkwe wangu’ wazazi huacha majeraha kwa wengi na ata kusababisha wengi kujiua au kushuka thamani kwa kuharibika kisaikolojia. Mzazi,Ndugu,Rafiki kamwe usiwe chanzo cha mtu Fulani kuharibu
mahusiano yake kumbuka chozi lake la siku moja laweza kuwa laana katika maisha yako ata kwa miaka kumi amini kuwa mahusiano ni ya watu wawili walioridhiana kwa kila jambo bila kuangalia kasoro zao wenyewe yaani wamehamua kubebana kwa kila hali wanahitaji tu Baraka zenu na
kuwarekebisha kidogo walipokosea lakini huna haki kumwambia hakika hutakiwi kuoa|kuolewa na mtu huyu mpe nafasi ya kuchagua kwani ni mtu mzima anajua lipi baya na lipi nzuri katika maisha yake yeye mwenyewe,…
Naitwa Emmanuel jastin Simba namtafuta baba mzazi jastini Simba anaishi Kigoma mwanga vamia Mimi nipo kwa Dodoma kwa mawasiliano namba yangu ya simu 0759445421
Msanii mkongwe wa muziki kutoka nchini Uganda, Jose Chameleone amefunguka kwa kusema kuwa hana tatizo na hit maker wa wimbo ‘Kidogo’, Diamond Platnumz.
Mitandao ya kijamii ilidai wawili hao hawakuwa sawa kwa muda mrefu kutokana na madai ya kuwa Jose Chameleone kumdengulia Diamond baada ya kuombwa kolabo, lakini hakuna aliyewai kuzungumzia tetesi hizo.
Jumanne hii Jose amesema hakuwai kuwa na tatizo na Diamond kama baadhi ya watu wanavyozungumza. “I know how much hard work it takes to build a name and how we are all relevant to flying Africa Music to the world.
I can see people trying to build beef lines between me and Diamond Platnumz all these years,” aliandika Jose kupitia instagrm.
Aliongeza, “All I can say is go higher my brother the sky ain’t the limit.Stay strong and God bless you more,” Baada ya kusema hivyo, mashabiki wa Diamond pamoja na wadau mbalimbali wa muziki katika mitandao ya wamempongeza Jose Chameleone.
Serikali imefuta usajili wa magazeti 473 ambayo hayajachapishwa kwa kipindi cha miaka mitatu.
Hatua hiyo imetangazwa leo na Waziri wa Habari, Nape Nnauye katika mkutano na waandishi wa habari uliofanyika katika Ukumbi wa Maelezo. Amesema mtu yeyote atakayechapisha magazeti hayo kwa njia ya nakala ngumu (Hard copy) au kielektroniki atachukuliwa hatua za kisheria.
“Iwapo kuna mmiliki wa gazeti ambaye angependa kuendelea na biashara hii milango iko wazi kwa ajili ya kuwasilisha maombi mapya sio kuuhuisha yaliyofutwa,” alisema Nape
Klabu ya FC Barcelona ya Hispania leo July 12 2016 imetangaza kukamilisha usajili wa mchezaji mwingine atakayejiunga na klabu yao kuanzia msimu wa 2016/2017, Barcelona kupitia tovuti yao wametangaza kumsajili Samuel Umtiti kutoka klabu ya Olympique Lyonnais.
V FC Barcelona imemsajili Samuel Umtiti kwa mkataba wa miaka mitano, kwa dau la uhamisho wa euro milioni 20, Umtiti atajiunga na kikosi cha Luis Enrique na atakuwa akicheza nafasi ya beki wa kushoto au beki wa kati.
Umtiti ambaye katika mechi nyingine za Olympique Lyonnais alikuwa akicheza kama nahodha, amecheza jumla ya mechi 170 akiwa na klabu hiyo katika kipindi cha miaka mitano na amefunga jumla ya magoli matano,
Umtiti ana umri wa miaka 22, mkataba wake na Barcelona utamuweka klabuni hapo hadi 2021.
Kwa mujibu wa Forbes, wawili hao ndio couple ya watu maarufu walioingiza fedha nyingi zaidi mwaka jana kwa kuweka benki dola milioni 107.5.
Queen Bey peke yake aliingiza dola milioni 54 na kukamata nafasi ya 54 katika orodha ya mastaa 100 waliongiza fedha nyingi, huku mumewe akiingiza dola milioni 53.5 na kukamata nafasi ya 36.
Mwaka jana Taylor Swift na Calvin Harris walichukua nafasi hiyo.
Tai mmoja mkubwa nusura afanye kitendo cha kustaajabisha ,,, tai huyo alijaribu kumtwaa mvulana mmoja na kupaa naye nchini Australia! Umati wa watu uliokuwa katika hifadhi ya Alice Springs Desert Park ulipigwa na butwaa tai huyo alipojaribu kumbeba mtoto wakati wa kurekodi kwa onyesho moja la wanyama pori.
Walioshuhudia tukio hilo wanasema kuwa ''ilikuwa ni kama tai huyo aliona mnyama mdogo ambaye alitaka kumfanya mlo wake'' Mvulana huyo anayekisiwa kuwa kati ya miaka 6-8 aliepuka kwa kupiga kamsa na mwishowe ndege huyo mkubwa akapaa na kutoweka.
Mvulana huyo alitibiwa baada ya makucha ya ndege huyo kumgwara usoni.
Bi Christine O'Connell kutoka Horsham katika jimbo la Victoria aliyenasa tukio hilo kwa kamera anasema tai huyo alimvamia mtoto huyo akijaribu kumuinua.
Hata hivyo wahudumu wa hifadhi hiyo waliingilia kati na kumfukuza tai huyo. Waandalizi wa onyesho hilo walifungasha virago vyao kwa haraka baada ya tukio hilo maarufu.
Wasimamizi wa hifadhi hiyo wamemuondoa tai huyo kwenye onyesho hilo.
Upatikanaji hafifu wa nishati kwa nchi nyingi za barani Afrika ndio chanzo kimojawapo cha kuchelewesha maendeleo barani humo nandio pia sababu kuu ya kutofikiwa kwa malengo ya milennia na kusababisha bara hilo kutofikia malengo yake ya maendeleo inayohitaji.
Hayo yalisemwa na waziri wa nchi ofisi ya makamu wa rais anaeshughulikia muungano na mazingira,JANUARY MAKAMBA,alipokuwa anafungua mkutano wa upatikanaji wa nishati na tabia nchi unaoshirikisha jopo la wataalam wa nishati unaofanyika jijini DAR ES SALAAM.
Amesema hata kama kutafanyika juhudi za kufikia malengo hayo ikiwa hakutafanyika sambamba na kurekebisha hali ya tabianchi na huduma za nishati,ni wazi juhudi za upunguzaji wa umaskini zitashindwa. Mkurugenzi mkuu wa shirika la hifadhi ya wanyama duniani WWF nchini,Dr.AMANI NGUSARU,
amesema kuwa mkutano huo unatarajiwa kuja na mapendekezo ya namna ambavyo nchi inaweza kukabiliana na tabianchi kwa kuendeleza vyanzo vya nishati mbadala kama umeme wa upepo,gesi na umeme wa jotoardhi ambao unaweza kuisaidia nchi kuzalisha bidhaa kwa bei nafuu na kuleta ushindani wenye uwiano duniani.
Mama mzazi wa mtoto Bahati aliyefariki dunia, Lulu John ( wa pili kushoto) akifarijiwa na majirani baada ya tukio hilo la moto lililogharimu maisha ya mtoto wake. Mwanza.
Mtoto Bahati John mwenye umri wa miaka minne na nusu amefariki dunia na vifaa vya ndani ambavyo thamani yake haijajulikana kuteketea moto. Tukio hilo limetokea saa kumi jioni katika mtaa wa Kamachumu, Kata ya Kirumba wilayani Ilemela jijini Mwanza.
Kamanda wa Operesheni wa Jeshi la Zimamoto na Uokoaji Mkoa wa Mwanza, Mussa Kaboni amesema kuwa chanzo cha tukio hilo ni jiko la mchina lililowashwa bila kufuatiliwa na muwashaji. Amesema kuwa katika tukio hilo, wakati wahusika wanawasha jiko hilo kulikuwa na watoto wawili Emmanuel John na Bahati John ambao walikuwa wamelala ambapo mkubwa wao Sospeter aliyekuwa anatoka shuleni ndiye aliwemwokoa mdogo wake mmoja Emmanuel.
“Chanzo ni moto uliosababishwa na jiko la mchina ambalo liliwashwa bila kufuatiliwa, sisi tulipigiwa simu na kufika, lakini bahati nzuri tumekuta wasamaria wameshazima moto na kuokoa baadhi ya vitu,”amesema.
Mzazi wa marehemu, Lulu John amesema alipata taarifa akiwa kazini na alipofika alikuta mwanaye ameshafariki na baadhi ya vitu kuungua.
“Hii ni tabia yake mfanyakazi kuacha jiko linawaka anakwenda zake,”amesema John. Diwani wa Kirumba, Alex Ngussa amewataka wazazi na walezi kuwa waangalifu wanapokuwa kwenye shughuli za mapishi.
Wapinzani wa Yanga katika michuano ya kuwania Kombe la Shirikisho barani Afrika, Medeama ya Ghana, itawasili jijini Dar es Salaam, keshokutwa Alhamisi kwa ndege ya Shirika la Ndege la Kenya (KQ).
Yanga watakuwa wenyeji wa Medeama katika mechi itakayopigwa kwenye Uwanja wa Taifa jijini Dar, Jumamosi kuanzia saa 10 jioni. Huu ni mchezo wa tatu kwa Young Africans katika harakati za kuwania Kombe la shirikisho hatua ya makundi.
Michezo miwili ya awali ilikuwa ni dhidi ya Mo Bejaia ya Algeria ambako ilipoteza kwa bao 1-0 kabla ya kupoteza tena dhidi ya TP Mazembe, mechi iliyopigwa jijini Dar es Salaam. Mchezo wa Jumamosi utachezeshwa na waamuzi kutoka Misri ambao ni Ibrahim Nour El Din atakayekuwa mwamuzi wa kati; akisaidiwa na Ayman Degaish na Samir Gamal Saad wakati mwamuzi wa akiba akiwa ni Mohamed Maarouf Eid Mansour.
Kamishna wa mchezo huo atakuwa Pasipononga Liwewe kutoka Zambia na maofisa wasimamizi ni Mfubusa Bernard ambaye atasimamia utendaji wa waamuzi wakati Mratibu Mkuu wa mchezo huo kutoka CAF atakuwa Ian Peter Keith Mc Leod.
Shirikisho la Mpira wa Miguu Tanzania (TFF), limeongeza muda zaidi kuimarisha idara zake ambako imeongeza muda wa wiki moja kwa Watanzania wenye sifa za Idara ya Masoko na Habari ili kuongoza Idara hiyo.
Awali tarehe ya mwisho ilikuwa Julai 11, 2016 lakini kwa sasa tarehe ya mwisho itakuwa Julai 19, mwaka huu kwa nafasi ambazo TFF imetangaza ajira. Lengo hasa ni kuendana na hali halisi ya uendeshaji mpira wa miguu duniani ambako masoko, habari na mahusiano ya Kimataifa yamekuwa funguo za kupata rasilimali kwa ajili ya maendeleo ya mchezo wa mpira wa miguu popote duniani.
Pili ni kuhakikisha rasilimali za kuendesha mpira wa miguu zinatokana na soka na vilevile kuhakikisha wadau wanapata habari sahihi kwa wakati mwafaka.
Kwa nafasi za kazi TFF tembelea tovuti yao www.tff.or.tz au waandikie ili utumiwe tangazo kwa barua pepe tanfootball@tff.or.tz Mbali ya kuboreshwa kwa Idara hiyo ya Masoko, pia TFF imepania kutoa kipaumbele katika masuala ya waamuzi na wanawake kwa kuanzisha madawati ya kudumu katika Kurugenzi ya Ufundi.
Hapo awali madawati ya wanawake na waamuzi yaliendeshwa na watumishi wa kujitolea (Volunteers) au wa muda (Part timers).
Akizungumza na Mtandao huu, Katibu Mkuu wa TFF, Mwesigwa Selestine aliamsha changamoto mbalimbali za soka la wanawake miongoni mwanzo ikiwa ni uibuaji na uendelezaji vipaji, Timu ya Taifa, mafunzo katika taaluma mbalimbali, ligi za wanawake na masoko kwa bidhaaa (products) za soka la wanawake.
Kuhusu waamuzi, Katibu Mkuu alilielezea eneo hili kama lenye changamoto nyingi hasa hasa katika kupata waamuzi wenye viwango vya Kimataifa.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein alipokuwa akitoa hutuba yake kwa wazee waliotimiza umri wa miaka 70 katika hafla maalum ya ilyofanyika kumpongeza yeye Rais iliyofanywa na Wazee hao katiika Viwanja vya makaazi ya Wazee Sebleni Mjini Unguja leo.
Wazee wa
ya Kusini Unguja nao walihudhuria katika hafla ya kumponheza na kumshukuru Rais wa Zanzibar na Mwenyekiti wa Baraza la Mapinduzi Dk.Ali Mohamed Shein kwa kuwawezesha kupata mafao ya kufikia umri wa miaka 70 katika hafla iliyofanyika leo viwanja vya makaazi ya Wazee Sebleni Mjini Unguja.
Msoma utenzi Bw.Mohamed Abdalla Zungu kutoka Kijiji cha Uroa Wilaya ya Kati Mkoa wa Kusini Unguja akighani Utenzi wake wakati wa hafla ya Shukrani na Pongezi maalum kwa Rais wa Zanzibar na Mwenyekiti wa Baraza la Mapinduzi Dk.Ali Mohamed Shein zilizotolewa leo na Wazee wanaopokea pencheni kwa kutimiza umri wa miaka 70 katika Viwanja vya makaazi ya Wazee Sebleni Mjini Unguja.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein akisalimiana na Mzee Bi Mtumwa Ali Khamis ambae alishiriki katika mchezo wa kuigiza wakati wa
Shukrani na Pongezi maalum kwa Rais wa Zanzibar zilizotolewa na Wazee waliotimiza umri wa miaka 70 katika hafla iliyofanyika leo viwanja vya makaazi ya Wazee Sebleni Mjini Unguja.
Msanii wa muziki wa dansi, sanaa ya jukwaani (theatre performances), mwandishi wa vitabu vya mashairi na hadithi zenye mafunzo,amewataka watanzania kuepuka uhasama kwani uchaguzi umealizika na kinachotakiwa ni wao kujikita kwenye shughuli za ujenzi Mpoto ameyasema hayo
alipokuwa akishiriki katika kipindi cha Supa Mix kinachorushwa na East Afrika Radio Jijini Dar es salaam wakati akishiriki usiku wa mapinduzi ambao umelenga vipindi vyote kuwa na watangazaji wenza katika vipindi vyote vya redio.
Hakuna haja ya kuwa na uhasama , wananchi wanatakiwa washikamane ili kuchapa kazi na kuleta maendeleo ya taifa kwani uchaguzi umemalizika. Mrisho pamoja na kuimba nyimbo zake zenye nasaha kwa jamii pia amewataka madereva bodaboda kuheshimu kazini zao kwani ndizo zinawaingizia kipato.
''Kuna baadhi ya bodaboda wapo kama wameingiliwa na pepo, yani ukiwakuta hawathamini kazi yao wachafu na hii inatokana na wengi kupata bodaboda na kuingia mtaani bila mafunzo yoyote''amesema Mpoto.
Kuelekea katika mchezo wa tatu wa hatua ya makundi ya kombe la shirikisho barani Afrika, Klabu ya Yanga iko katika hatari ya kuwakosa baadhi ya wachezaji akiwemo mshambuliaji wa kimataifa Amis Tambwe kutokana kutokana na kusumbuliwa na Maralia.
Meneja wa Yanga, Hafidh Saleh amesema,Tambwe alipelekwa hospitali leo kuwekewa dripu ili pate nguvu baada ya kudhoofishwa na Malaria iliyompata wiki iliyopita.
Tambwe aliukosa mchezo uliopita dhidi ya TP Mazembe kutokana na kuwa anatumikia adhabu ya kadi na sasa anapambana na Malaria.
Tayari Yanga SC itawakosa beki Mwinyi Hajji Mngwali, viungo Deus Kaseke na Geoffrey Mwashiuya katika mchezo huo kutokana na kuwa majeruhi.
Wachezaji ambao Yanga inamatumaini ya kuwatumia katika mchezo wa Jumamosi ni Matheo Antony, Oscar Joshua na Malimi Busungu. Yanga inahitaji ushindi dhidi ya Medeama baada ya kupoteza mechi zote mbili za mwanzo wakifungwa 1-0 mara zote na Mo Bejaia nchini Algeria Juni 19 na TP Mazembe ya DRC Dar es Salaam Juni 28.
Anaandika Mwl Razaq Mtele Malilo. Katika misimu miwili iliyopita zao la ufuta lilinunuliwa kuanzia Tsh 2500 ha di Tsh 3000 hali iliyopelekea watu wengi kuhamasika kulima zao hili kwa wingi na vijana wengi walihamasika kurudi mjini hasa jiji la Dar Es Salaam baada ya kuvutiwa na ongezeko hilo la bei hali ilyopelekea uzalishaji wa ufuta katika nchi yetu kuongezeka na kuwa ya kwanza barani Afrika na ya tatu duniani.
Katika hali isiyotarajiwa bei ya ufuta mwaka huu imeshuka kati asilimia 45 hadi 50 na zao hilo limenunuliwa kwa bei ya Tsh 1600 hadi Tsh 1500 katika mikoa hiyo ya Kusini bei ambayo haina tija kwa mkulima hasa ukilinganisha na kupanda kwa gharama za uzalishaji wa zao hilo na gharama za maisha kwa ujumla.
Ikumbukwe kwamba kutokana na kupanda kwa bei ya zao hilo miaka miwili iliyopita watu walikuwa wakijikiti katika kilimo cha zao hilo la biashara na kupunguza kulima mazao ya chakula kama mahindi wakitegemea kununua chakula pale wauzapo ufuta.
Lakini pia mwaka huu katika mikoa hiyo yalitokea majanga ya mafuriko yaliyosababisha kusombwa kwa mazao ya chakula shambani kama mahindi, mihogo na mazao mengine. Hivyo, watu walitegemea zao la ufuta liwe kama mkombozi wao kwani walitegemea bei nzuri kama ya mwaka jana au kupanda zaidi hii ni kutokana na ahidi ya Mh Rais Dr. JOHN POMBE MAGUFULI akiwa kwenye kampeni katika kijiji cha NANGARU, jimbo la Mchinga mkoani Lindi, OKTOBA 13 MWAKA JANA aliwaahidi wakulima wa ufuta kuwa atahakikisha anasimamia bei ya zao la ufuta ili wananchi hao wauze mazao yao kwa bei ya tija ili nao wajikwamue na umasikini.
Ahadi iliwafanya wakulima hao wahamasike kumpigia kura nyingi na alipopita kuwa Rais walihamasika kulima ufuta kwa wingi wakitarajia bei ya tija zaidi ila hali halisi imekuwa kinyume chake mara dufu.
Hivyo basi, kutokana na kushuka kwa uzalishaji wa mazao ya chakula kwa sababu za mazao kusombwa na mafuriko na wakulima kujikita zaidi na mazao ya biashara na hii ni kutokana na kutokuwa na uwezo wa kugharamia mazao yote ya chakula na kilimo kwani wanatumia zana duni za kilimo kama jembe la mkono hivyo kushindwa kumudu kulima mazao yote .
Anguko la bei ya ufuta ni pigo kwa wakulima hao na uwenda hali hii ikasababisha maisha magumu kwao na pia kukabiliwa na njaa kali kwani wengi wao walitegemea kuuza ufuta ili wakipata pesa wanunue chakula na mahitaji mengine ya msingi.
Hivyo , kwa sasa wakulima hao wamebaki wakiwa wanyonge wakiwa hawana cha kufanya na wamekosa mtetezi. Wakulima hao wanaiomba licha ya kutowasaidia kipindi cha kilimo, wanaiomba serikali na Rais Magufuli akumbuke ahadi yake kwa wakulima hao kwani wamekula hasara kubwa mwaka huu.
Wanaitaka serikali iwatafutie soko la uhakika na lenye tija ili nao waweze kujikwamua kimaisha na kuondokana na umasikini. Kwa niaba ya wakulima natumaini ujumbe huu wa wakulima utawafika wahusika na wataufanyia kazi.
Kale kamchezo ka kunyakuliana ambako kalikuwa kametawala kwa mastaa wa kike bongo sasa kamehamia kwa mastaa wa kiume pia. baada ya Msami kuamua kumrukia bi dada Kajala ambaye ni bebe wa Quick Rocka.
Hata hivyo Msami alisema Kajala ni mtu wake wa karibu saana japo watu wanahisi kuwa wao ni wapenzi lakini sio mbaya kwa kuwa Kajala ni mtoto wa kike na yeye ni mwanaume kwa hiyo yeye haoni hatari hata ikiwa hivyo.
Hata hivyo Msami anasema hana tatizo lolote na Quik na wala hawajanyanganyana ma babe kama watu wanavyoongea na kwamba yeye alivyoshuka kwenye gari lake hakumuona Quick hivyo watu wasimnukuu vibaya kuwa ana bifu na yeye.
Msami amesema kama ikitokea anapendana na Kajala atajua tu kuwa atasimamaje pale mume wa Kajala ambaye anatumikia kifungo jela na kusema yeye ni mwanaume hivyo atajua anamega kisela au wanamwagana.
Wote tunaamini kwamba dimples zinavutia kwa wenye nazo na zinapendwa na watu wengi. Kwanini watu wengi wangependa wawe na dimple.
Fahamu sababu zake hapa; Dimples ni staili fulani ambapo misuli ya usoni inajiminya, ambapo wengine wanazaliwa nazo na wengine wanafanya upasuaji hili wawe na dimples. Kwa mujibu wa imani za wanasayansi, hizi dimples zinawafanya watu wawe na muonekano mzuri na wanaonekana wadogo zaidi ya umri walionao.
Tamaduni nyingi duniani kote zinafikiria dimples ni ishara ya bahati nzuri na mafanikio. Aidha, dimples ni tabia za maumbile. Isabella Gilbert kutoka Rochester, N.Y alipendelea kuwa na dimples, kwa hiyo alitumia miaka mingi katika maisha yake kutatua hili tatizo, alivumbua mashine ya dimples mwaka 1936.
Kifaa hiki kina uwezo wa kuutengeneza uso na kufanya uwe na dimples. Karibia asilimia 60% ya watu maarufu Hollywood wana dimples, ambayo inaonekana kama ishara ya uzuri.
Baadhi ya tafiti zinasema dimples zinaweza kumsaidia mtu kuwa na mvuto zaidi, na kuwa na uso wa kupendeza maisha yake yote.
London.
Waziri wa Mambo ya Ndani wa Uingereza, Theresa May ameshinda katika awamu ya kwanza ya kuwania uongozi wa Chama cha Conservative kwa kupata kura nyingi.
Kiongozi huyo mpya atachukua hatamu za uongozi kutoka kwa Waziri Mkuu aliyeko madarakani David Cameron, ambaye alisema atajiuzulu baada ya nchi yake kupiga kura ya maoni ya kujiondoa uanachama wa Umoja wa Ulaya (EU). May alizungumzia matokeo na ushindi wake kuwa alikuwa ni yeye pekee anayeungwa mkono zaidi na chama chake cha Conservative.
May alikuwa akiipigia kampeni Uingereza kubakia Umoja wa Ulaya, huku mpinzani wake wa karibu Andrea Leadsom akiita kujiondoa.
Mchezaji mpira wa Argentina na Barcelona Lionel Messi amehukimwa kwenda jela miezi 21 kwa kosa la kukwepa kodi na Hukumu ya aina hiyo hiyo imetolewa na kwa Baba yake, Jorge Horacio Messi.
Aidha kwa Sheria ya Hispania, Hukumu yoyote chini ya miaka 2 inaweza kuahirishwa hivyo basi Mchezaji huyo anawezekana asitumikie kufungo hicho. Messi alipofikishwa Mahakamani alijitetea kwa kusema kwamba.
‘Nilikua sina habari ya jambo lolote wakati nacheza mpira, na nilimuamini Baba yangu na Mwanasheria wangu’ Alikua anatuhumiwa kwa kuanzisha Makampuni feki huko Belize na Urugwai ili akwepe kulipa kodi ya €4.16m (£3.2m) kati ya mwaka 2007 na 2008.
Mmamlaka ya udhibiti wa huduma za nishati na maji (EWURA) imetangaza bei ya kikomo cha mafuta huku bei ikiongezeka maradufu kwa watumiaji wa mafuta ya petrol.
Mmamlaka ya udhibiti wa huduma za nishati na maji (EWURA) imetangaza bei ya kikomo cha mafuta huku bei ikiongezeka maradufu kwa watumiaji wa mafuta ya petrol. Bei mpya elekezi zilizotolewa jana na mamlaka hiyo zinaonesha kuwa dizeli imeongezeka kwa shilingi 88 kwa lita ikifuatiwa na mafuta ya taa kwa shilingi 80 kwa lita wakati petrol ikiongezeka kwa shilingi 23.
Taarifa ya mamlaka hiyo imesema kuanzia leo wakazi Dar es Salaam watakuwa wakinunua petrol kwa bei isiyozidi shilingi 1888 dizeli 1720 na mafuta ya taa 1687.
Mkurugenzi wa EWURA Bw. Felix Ngamlagosi alisema kiasi kikubwa cha mabadiliko hayo ya bei za mafuta katika soko la ndani yametokana na kuendelea kupanda kwa bei za mafuta katika soko la dunia.
Dar es Salaam. Tanzania ni kati ya nchi nne ambazo Serikali ya China imeahidi kufanya ‘kufuru’ ya uwekezaji wa viwanda.
Hayo yamebainika kwenye kongamano la wachumi na wadau wa biashara kati ya China na Tanzania, Kenya na Afrika Kusini ambalo lilijadili fursa na changamoto zilizopo kwenye sekta hiyo.
Waziri wa Ujenzi, Uchukuzi na Mawasiliano, Profesa Makame Mbarawa, ambaye alikuwa anafungua kongamano hilo, amesema uamuzi wa kuiteua Tanzania ulifanywa kwenye mkutano uliofanyika mapema mwaka huu nchini Afrika Kusini.
Amesema katika mkutano huo ambao Tanzania iliwakilishwa na Waziri Mkuu Kassim Majaliwa, China iliamua kushirikiana na nchi za Afrika Kusini, Kenya na Tanzania kujenga uchumi wa viwanda.
MGOMBEA urais wa Chama cha Republican nchini Marekani Donald Trump amemsifu kiongozi wa zamani wa Iraq, Saddam Hussein akisema aliweza kukabiliana vyema na magaidi.Bw Trump alikuwa akihutubia mkutano wa kampeni eneo jimbo la North Carolina Jumanne alioanza kuzungumza kuhusu kiongozi huyo aliyeuawa kwa kunyongwa Desemba 2006.
“Saddam Hussein alikuwa mbaya, kweli? … Lakini mnafahamu ni jambo gani aliweza kulifanya vyema sana? Aliwaua magaidi. Alifanya hivyo vyema sana,” Trump alisema.“Hawakuwasomea haki zao, hawakunena lolote.
Walikuwa magaidi, mambo yao kwisha.”Bw Trump awali amewahi kusema kwamba ulimwengu ungelikuwa “asilimia 100 bora kuliko sasa” iwapo viongozi wa kiimla kama Saddam Hussein na kiongozi wa muda mrefu wa Libya, Muammar Gaddafi wangelikuwa bado uongozini.
Kabla ya uvamizi ulioongozwa na Marekani, ambapo Saddam aliondolewa madarakani, Iraq ilikuwa imeorodheshwa na Wizara ya Mashauri ya Kigeni ya Marekani kama taifa linalofadhili ugaidi. Afisa mkuu mshauri wa Hillary Clinton kuhusu sera, amejibu matamshi ya Bw Trump kwa kusema kuwa:
“Sifa za Donald Trump kwa viongozi wa kiimla yamkini hazina mipaka.” Amesema matamshi kama hayo yanaashiria “ni jinsi gani itakuwa hatari (kuwa na Trump) kuwa Amiri Jeshi Mkuu na jinsi ambavyo hafai kuhudumu kama rais.
Kitengo cha umoja wa mataifa kinachoshughulika na haki za binaadamu kimeiambia BBC kwamba watu wapatao laki tisa ikiwa ni pamoja na wanaume kwa wavulana wamekamatwa na wanamgambo wa ki Shia wakati wa makabiliano ya kuwaondoa wanamgambo wa dola ya kiislamu IS nje ya mji wa Fallujah mwezi uliopita bado hawajulikani walipo.
Msemaji wa Umoja wa Mataifa, Rupert Colville, anasema kwamba ripoti ya kutisha kuhusu hatma yao alipewa na watu wengine waliokamatwa nje ya Fallujah wakati huo ingawa kwa sasa wameachiliwa .
Rupet anasema kwamba mashuhuda wameshuhudia wanaume wanne wakiuawa kwa kukatwa vichwa na askari,na makumi kuuawa kwa kupigwa risasi.
Coville amesema kwamba wafungwa wamekuwa wakitendewa unyama kwa kupigwa na kwamba wako katika hali mbaya,na hali ya huduma za kijamii imezorota kwani chakula na maji ni haba.
Naye waziri mkuu wa Iraq ameagiza uchunguzi wa haraka ufanyike.
IDADI ya watumishi hewa waliobainika mkoani Morogoro, imefikia 252 na watu hao tayari wamelipwa Sh bilioni 1.2 kupitia mishahara.
Mkuu wa Mkoa wa Morogoro, Dk Kebwe Stephen Kebwe, alisema hayo juzi wakati wa kuapisha wakuu wa wilaya, walioteuliwa hivi karibuni na Rais John Magufuli. Alisema uhakiki bado unaendelea kufanywa na timu ya wataalamu. Taarifa kamili itatolewa baada ya timu hiyo kukamilisha uhakiki.
Alisema licha ya kuchukua hatua za awali kubaini watumishi hewa, pia mkoa uliunda timu ya wataalamu iliyoanza uhakiki Mei 13, mwaka huu. Alisema hadi sasa timu hiyo imeshahakiki halmashauri nane za mkoa huo za Ulanga, Malinyi, Manispaa ya Morogoro, halmashauri ya wilaya ya Morogoro, Gairo, Mvomero, Kilombero na Mji Ifakara. “ Mpaka sasa idadi ya watumishi hewa iliyopatikana ni watumishi 252,” alisema Dk Kebwe na kwamba timu hiyo ya uhakiki, inakamilisha kazi katika halmashauri ya wilaya ya Kilosa.
SERIKALI kupitia Wizara ya Nishati na Madini inatarajia kuboresha uzalishaji wa umeme nchini na hivyo kuondoa kabisa mgawo wa umeme nchini.
Hayo yamesemwa na Naibu Katibu Mkuu wa wizara hiyo anayeshughulikia Nishati, Dk Juliana Pallangyo alipotembelea banda la Wizara ya Nishati na Madini katika Maonesho ya 40 ya Biashara ya Kimataifa ya Dar es Salaam yanayoendelea kwenye Viwanja vya Mwalimu Nyerere, barabara ya Kilwa.
Alisema kwa kutambua umuhimu wa nishati ya umeme, serikali imeweka mikakati mbalimbali ikiwamo kuwakaribisha wawekezaji wa ndani na nje ya nchi kuwekeza kwenye sekta hiyo na ili kuchochea uanzishwaji wa viwanda vitakavyochangia ukuaji wa uchumi nchini.
Akielezea mikakati ya serikali katika uboreshaji wa huduma ya umeme nchini, Dk Pallangyo alisema kupitia Wakala wa Nishati Vijijini (REA) Awamu ya Tatu, serikali itaendelea kusambaza umeme vijijini ikitoa kipaumbele kwa vijiji ambayo havikuwepo kwenye REA Awamu ya Pili.
Alisema uwepo umeme wa uhakika vijijini utachochea uanzishwaji wa viwanda vidogo vidogo, uboreshaji wa huduma za jamii na hivyo kupunguza wimbi la vijana kukimbilia mijini kutafuta ajira.
Aidha, alisema serikali imebuni vyanzo vingine kama vile upepo, gesi jotoardhi, jua na kuwataka wawekezaji kujitokeza katika uzalishaji wa umeme kwa kutumia vyanzo hivyo utakaoingizwa kwenye Gridi ya Taifa na kumaliza tatizo la kukatika kwa umeme.
MAMLAKA ya Mapato Tanzania (TRA) imesema kupungua kwa mizigo bandarini kumeathiri si Tanzania pekee bali dunia nzima na kwamba kubanwa kwa mianya ya wizi kumesababisha kuongezeka kwa mapato kutoka Sh bil 458 Aprili mwaka huu kufikia Sh bil 517.
Aidha, TRA imesema itaanza uhakiki wa namba za utambulisho wa mlipakodi (TIN) kutokana na kuwepo watu wenye namba mbili na wasiohakiki watalazimika kudaiwa kodi na TRA. Akizungumza katika mkutano na wanahabari jana, Kamishna wa TRA, Alphayo Kidata alisema upungufu huo wa mizigo bandarini umezikumba pia bandari za Beira, Msumbiji, Mombasa, Kenya na kwingineko na kusababisha mapato kupunguae.
“Lakini sisi pamoja na upungufu wa mizigo bandarini makusanyo yanazidi kuongezeka kutokana na kuzibwa mianya ya kukwepa kodi, hivyo napenda kuwapongeza wafanyakazi wote wa mamlaka na kusema kwa sasa hakuna mtu anayeweza kukwepa kodi na wale waliozoea wakae katika njia kuu,” alisema Kidata.
Kidata alisema wananchi wanatakiwa kuwaunga mkono kwani sasa kodi inaonekana katika kufanya shughuli za serikali kama kuboresha miundombinu pamoja na kutoa elimu bure. Alisema TRA imefikia na kuvuka lengo la makusanyo ya kodi kwa mwaka wa fedha 2015/16 kwa kukusanya Sh trilioni 13.8 sawa na asilimia 100.04 ya lengo la kukusanya Sh trilioni 13.4 iliyokuwa imepangwa na serikali.
Kidata alisema katika kipindi cha Juni mwaka huu, TRA imekusanya Sh trilioni 1.4 sawa na asilimia 107.83 ya lengo la kukuzanya Sh trilioni 1.3 ambapo makusanyo ya mwaka wa fedha 2015/16 ni sawa na ongezeko la asilimia 23.70 la makusanyo ya mwaka 2014/15. Akizungumzia mashine za kielektroniki za EFDs, Kidata alisema walipoanza utoaji mashine hizo zilikuwa 5,703 na mpaka sasa mashine 1,700 zimegawiwa kwa watumiaji na wataanza kupita duka hadi duka kuhakiki matumizi ya mashine hizo.
Kamishna wa mapato ya ndani, Elijah Mwandumbya, alisema mwaka huu wa fedha wamejipanga kuhakikisha wanaondoa changamoto kwa mtu mmoja kuwa na TIN zaidi ya moja hivyo watafanya uhakiki. “Ni vema wananchi kujitokeza ili wasibaki na TIN namba ambayo haitumiki kwani ukibaki nayo baadaye utadaiwa kodi,” alisema Mwandumbya. Akizungumzia matumizi ya mashine za kielektroniki za EFDs alisema katika kuhakikisha nchi inakuwa na mfumo wa matumizi ya mashine hizo watapita katika maduka na nyumba kwa nyumba kuhakikisha kila mfanyabiashara kama anatumia mashine hizo.
Mwandumbya alivikumbusha vituo vyote vya mafuta kuhakikisha wanatumia mashine hizo ifikapo Oktoba mosi mwaka huu. Alisema wanaandaa vituo vipya vya kutoa huduma ya ulipaji kodi kuondoa misongamano ya watu. Akifafanua zaidi kuhusu vituo vipya, alisema wameandaa kituo kipya cha Millennium Tower na maandalizi yanaendelea kufungua vituo vingine Ubungo Plaza na katika eneo la barabara ya Nyerere.
Naye, Kamishna wa walipa kodi wakubwa, Neema Mrema alitoa onyo kwa wafanyabiashara wakubwa watakaobainika kutumia mashine za risiti za kughushi za EFDs kuwa watalipa kodi walizokwepa na faini.
Mtoto wa miaka 10 kutoka Indonesia, ambaye ametajwa kuwa mtoto aliyenenepa zaidi duniani ameanza kupewa chakula cha kupunguza uzani kwa kuwa wazazi wake wanahofia afya yake.
Arya Permana ana uzani wa kilo 188 na ameorodheshwa kuwa na unene usio wa kawaida. BBC ilizungumza na mamaake Rokayah huko Karawang Indonesia ambaye ana wasiwasi sana kuhusu afya ya mwanawe.
Wanasayansi katika Chuo Kikuu cha Kilimo cha Sokoine nchini Tanzania wanapanga kuwatuma panya waliopokea mafunzo kwenda kutumiwa kugundua kifua kikuu nchi za nje.
Panya hao, ambao awali walitumiwa kugundua mabomu yaliyoachwa chini ya ardhi, kwa miaka kadha sasa wamekuwa wakitumiwa kugundua watu wanaougua kifua kikuu sana katika magereza na viwandani. Panya hao, ambao kiteknolojia hujulikana kama panya wa SUA-APOPO, wamebainika kuwa hugundua visa vya maambukizi ya kifua kikuu haraka na kwa ufasaha.
Panya hao hudaiwa kuwa na uwezo wa kupima sampuli 140 za makohozi kwa dakika 15 tu, wakati mtaalamu wa maabara aliyebobea huweza kupima wagonjwa 25 kwa siku. Awali, walitumiwa Tanzania na Msumbiji pekee.
Lakini sasa chuo kikuu hicho kinapanga kuwapeleka Ethiopia na Bangladesh wakatumiwe huko. Ethiopia ni moja ya nchi zilizotatizwa zaidi na aina ya vijidudu vya kifua kikuu visivyosikia dawa.
Bi Mariam Juma, mmoja wa wanasayansi katika chuo hicho, amenukuliwa na gazeti la Daily News la Tanzania akisema kwamba kutafunguliwa pia kituo jijini Dar es Salaam. Akihutubia wanahabari katika maonesho ya biashara ya Dar es Salaam, Bi Juma alisema maafisa pia watawahimiza watu kujipima kujua hali yao.
